ஆஸ்திரேலியாவில் அறிமுகமாகிறது Emoji பொறிக்கப்பட்ட வாகன இலக்கத்தகடு!
குறுஞ்செய்தி, மின்னஞ்சல், சமூக வலைத்தளம் என பல தளங்களில் emojis பயன்பாடு இன்றியமையாத அம்சமாக மாறிவிட்டநிலையில் குயின்ஸ்லாந்து மாநில வாகன இலக்கத் தகடுகளிலும் இவை அறிமுகப்படுத்தப்படவுள்ளன.
Personalised Plates-தமக்கு விரும்பிய வார்த்தைகளை அல்லது எழுத்துக்களைப் பொறித்து வாகன இலக்கத்தகடுகளைப் பெற்றுக்கொள்பவர்கள் எதிர்வரும் மார்ச் மாதம் முதல் emoji-க்களையும் சேர்த்துக்கொள்ளலாம்.
இதன்மூலம் உலகிலேயே முதல்முறையாக வாகன இலக்கத்தகடுகளில் emoji-க்களை அறிமுகப்படுத்திய நாடாக ஆஸ்திரேலியா காணப்படுவதாக குறிப்பிடப்படுகிறது.
Smiley face, heart eyes, sunglasses face, winking face ,laugh-out-loud ஆகிய 5 emojis முதற்கட்டமாக மார்ச் 1 முதல் அறிமுகப்படுத்தப்படவுள்ளதாக Personalised Plates Queensland தெரிவித்துள்ளது.
வாகன இலக்கத்தகட்டில் emoji பொறிக்கப்பட்டுள்ளமையானது வெறுமனே அலங்காரத்ததுக்காக மாத்திரமேயன்றி குறித்த வாகன இலக்கத்துடன் சேர்ந்ததல்ல என வலியுறுத்தப்பட்டுள்ளது.
Emojis பொறித்த இலக்கத்தகடைப் பெறுவதற்கு சுமார் 340 டொலர்கள் வரை செலவாகும் என்பது குறிப்பிடத்தக்கது.